Vawiin khan Chhimveng YMA Hall, Mamitah Revitalization Of NLUP Launching Programme hman a ni a, Pu John Rotluangliana Bialtu MLA, Minister FCS&CA, Transport, chuan khuallian niin a hmanpui.
Revitalization Of NLUP hmanna hun hi Pu Vanlalngaihsaka, District Bawrhsap, Mamit District in kaihruaiin Pu John Rotluangliana, chuan Mizo mipuite tana kan tuizawng leh kan chak zawng tak hmanga eizawnna ngelnghet kan neih theihna tur a tan tanpuina kan dawn hi a dawngtu ten a nihna tur dik taka kan hman a pawimawh hle a ni a ti a, Mizo te hi chhiat vek tawh hnua a harh chhuak chi kan ni a, hei hi in kan in enfiah a tul a ni a ti, NLUP kalpui chhunzawmna tur a tan hian Central sawrkar chuan cheng vaibelchhe 317.32 lai mai a rawn pek belh a ni a ti, hetih lai hian a ti tha duhlote endik kawngah nasa zawka hmalak a ni dawn a ni a ti.
Mamit District ah hian NLUP Line Department pariat awmin vawiin hian an hmalakna dante an sawi a ni. Mamit District a NLUP sem tawh dan Agriculture Department hnuaiah Trade 4 awmin Benefiaciaries 1967 an awm a, 1st Phase sem zawh tawh niin 2nd, 3rd, leh 4th phase te sem mek zel a la ni.
Horticulture Department hnuaiah hian 1st phase ah Beneficiaries 1120 awmin, 2nd phase-ah 1346 an awm a, 3rd phase buaipui chhoh mek zel a ni.
AH&Vety Department hnuaiah Trade 4 awmin 1st Phase ah hian Benefiaciaries 815 awmin Rs 770,27,299/- semchhuah tawh a ni a, 2nd phase-ah beneficiaries 979 awmin Rs 319,26,100/- semchhuah a ni a, 3rd phase-ah mi 676 leh 4th phase ah Beneficiaries 410 awmin buaipui mek zel a ni.
Soil & Water Conservation hnuaiah hian chhungkaw 937 niin Trade 3 awmin 1st Phase ah 381 an awm a, Rs 328,80,500/- semchhuah a ni a, 2nd phase ah Beneficiaries 321 awmin Rs 267,55,060/- semchhuah a ni a. 3rd phase ah benefiaries 167 leh 4th phase ah beneficiaries 68 awmin, semchhuah hna kalpui mek zel a ni. Hmunphiah hi 896.09 qtl. leh coffee 220qtl. tharchhuah tawh a ni Rs. 6,19,85,560.000/- sem chhuah tawh. a ni
Fishery Department hnuaiah hian 1st phase ah beneficiries 261 leh 2nd phase ah beneficiaries 206 awmin a sem hna zawh tawh a ni a. 3rd phase ah hian beneficiaries 100 leh 4th phase ah beneficiaries 43 awmin a sem hna thawh mek zel a ni.
Environment & Forest Department hnuaiah 1st phase ah Beneficiaries 61 awmin beneficiaries pakhatah Rs 88,585/- theuh semchhuah niin 2nd phase ah Beneficiaries 71 an awm a, Rs 87,760/- theuh a semchhuah a ni a, 3rd phase ah Beneficiaries 9 leh 4th phase ah beneficiaries 4 awmin semchhuah hna thawh mek zel a ni.
Sericulture Department hnuaiah 1st phase-ah beneficiaries 70 leh 2nd phase ah beneficiaries 34 awmin sem zawh tawh a ni a, 3rd phase ah beneficiaries 9 leh 4th phase ah beneficiaries 4 awmin hmalak mek a ni.
District Industries Centre, Mamit hnuaiah hian chhungkaw 452 niin sum sem ral tawh zat hi Rs. 2,25,79,500/- a ni.
Vawiin Revitalization hmanna hunah hian Chief Minister Special Scheme mi 6 te hnenah Rs 5,000/- theuh pek an ni bawk.
Vawiin Revitalization of NLUP hmanna hunah hian NLUP tanpuina dawngtute, NGO hrang hrangte hruaitute, Prominent Citizens, Kohhran hrang hrang hruaitute leh Thuthar thehdarh tute an tel a ni.
