Nimin khan I&PR Conference Hall Mamit ah RTI Awareness campaign neih a ni. He hun hi Pu Lalduhthlana Ralte, IFS(Retd) Chief Information Commisioner, Mizoram chuan khuallian niin a hmanpui a, Pi Lalbiaksangi MCS , Deputy Commisioner,Mamit District leh Pu Vanlalngena MCS,Secretary MIC ten khualzahawm niin an telpui bawk.

He hun hmanpuitu Pu Lalduhthlana,Ralte Chief Information Commissioner chuan Mizote hian Sorkarah hian mipuite hi kan tel ve lo emaw kan inti thin a, hei hi kan tih reh a ngai a ni a ti, Sorkar hnathawk kan tih hi mipuite tana thawk an ni a, Sorkar hnathawk ten mipui tana thawk an nih leh mipui te pawh Sorkar puitu kan ni tih kan in hriat a ngai a ni a ti. Chief Commissioner chuan RTI thil tum lian ber chu mipui vantlang tana thawktute leh an thawhsak a te inkara inlaichinna nghet tak, langtlang leh mawhphurtu chiangkuang tak awmtir hi a ni a ti. Mipuite chuan an aiawha hnathawktute hnathawh dan chu engtiklai pawhin an hre thei tur a ni, hei hi Democracy rama mipuite zalenna a ni a ti bawk.

Pu Vanlalngena, Secretary MIC pawhin RTI thil tum leh Mipui vantlang leh Sorkar inkara langtlang leh rorelna dik a awm theihna tura kan chanvo hrang hrangte tarlangin RTI Act chu mipuite tana chhawr tangkai a nih theihna tura hriat tur hrang hrang a sawi bawk.

He Awareness Campaign hi Session hniha then a ni a, Chawhma hun hi Pu P.C Lalthanzuala President MJA Mamit chuan kaihruaiin Chawhnu hun hi Pu H. Lianzela Addl D.C Mamit chuan a kaihruai a, Chawhnu hunah hian Pu Vanlalngena MCS, Secretary MIC, Pu LDV Infimate, Associate Professor, GMC leh Pu K. Vanlalnghaka, Associate Professor, GMC te chuan zawhna zawh dan leh Appeals chungchang leh Exemption of Disclosure, hmang ten Paper Presentation an pe a ni. Kalkhawmte atangin zawhna zawh hun hawn niin hengte hi Chief Commissioner leh Secretary MIC te chuan an chhang nghal a ni.

He hunah hian Mamit khawpui chhunga Head of Offices, SPIO, SAPIO, Dealing Assistant, Khawpui chhunga Tlawmngai Pawl hrang hrang, Khawtlang hruaitute , PRISM Mamit te, Govt Mamit College a zirlaite leh Govt Higher Secondary Zirlaite bakah DIET Mamit zirlaite an tel a ni.

Pu Paul Rokima DIPRO chuan lawmthu sawina neiin hun a ti tawp a ni.