914/2023-2024

Mamit 26th June, 2023 : Tukin khan Mamit District Police buatsaihin International Day Against Drug Abuse and Illicit Trafficking denchhenin Mamit Field veng atanga Charkawn thleng Rally/Walkathon neih a ni a. He hunah hian Tlawmngai pawl hrang hrang aiawhte an tel a ni.

Kawng zawh tanna Mamit Field vengah hun tawi hman niin, Pi Lalthangpuii Pulamte, SP Mamit chuan Mamit District chuan khawvel hmundangte rualin ruihhlo leh a kaihhnawih kan do a ni tih lantir nana kawngzawh tura kalkhawmte chungah lawmthu a sawi a, Mamit Police- te thawhrimna a zarah darkar 24 liamta-ah khan ruihhlo thahnem tak Vaibelchhe 17 man hu man a ni a, hei hian ruihhlo kan thalaite nun tichhiaa suattu kan dozia a lantir a ni a ti. Ruihhlo bawiha tang mekte pawh Pathian rinchhanin manganga indawmkun mai lovin, kan hneh thei a ni tih inhria ila, puih kan ngaihna laiah pawh kan inpui thei renga, hnehna hla do chham khum tura tan la a, theihtawpchhuah turin a chah a ni.

Mamit SP kaihhruaina hian Ruihhlo dona, "Mamit District vul zel rawh se, ruihhlo lakah i fihlim ang u" ti a au rual a ni.

Kawngzawh tawpna Mamit Charkawn-ah hian Pu Vanlalchhuanga Chhangte, President Sub. Hqrs YMA leh Pi Lalzamliani, President, Sub Hqrs MHIP te hnen atangin ruihhlo do tura khawtlang leh Police-te thawhhona kawnga tha thlah lova beih chhunzawm zel a tul thu ngaihthlak a ni bawk.