Vawiin khan Siamliana Hall, Mamit-ah Rulhut do beihpui ni hman a ni a, he hun hi Pi Lalbiaksangi, District Bawrhsap chuan khuallian niin  a hmanpui.

Pi Lalbiaksangi District Bawrhsap chuan tunhma chuan mizo te zingah  rulhut pai kan tamin  nunna hlu tak tak chante pawh kan awm thin a, tunlai khawvel ah chuan kan  rulhut pai nih chu thil zahthlak ang hialah kan ngai tawh a ni  ti, he natna hrik laka kan  him theihna tur ber chu kan taksa leh kan in leh vel kan vawnfai a, kan  ei leh in ah kan fimkhur a ngai hle a ni a ti. 

Dr T.C Hmingthangin  rulhut laka kan him theih dan tur hrang hrang a sawi bawk. He hunah hian National Tobacco Control Programme atangin zuk leh hmuam in kan taksa a nghawng a neihdan hrang hrang sawina an nei bawk.

He hun hi Dr P.C Liannghaka Medical Superintendent, Mamit chuan kaihruaiin Mamit khawpui chhunga School naupang thlanbik mi 200 chuang an tel a, Pi Lalbiaksangi, District Bawrhsap chuan rulhut hlo ( Albendazole) chu a hmunah hian a ei nghal a ni.

Vawiin National Deworming day ah hian Mamit District chhung a School zawng zawng leh anganwadi centre ah te rulhlut hlo ( Albendazole) sem vek an ni a, vawiin a he damdawi rokhawlhna avanga  ei ve hman lote tan hian ni 17 August, 2017 ah ei tir leh an ni ang.