Vawiin chawhma dar 11:30 khan Chief Medical Officer, Serchhip District hovin Chawngbuangi Memorial School Serchhipah National Deworming Day hman a ni.

He hunah hian Dr. Laldawngliana Sailo, CMO Serchhip chuan thusawiin, India rama naupang kum 1-19 inkarten Rulhut hlo hi an ei vek theihna tura hmalak ani a ti a, Sikul kai rualte chu an sikul kaina theuhah ei tir an ni anga, sikul la kai rual lote pawh Anganwadi Centre ah pek vek tur niin Sikul kai rual nisi kai tawh lote pawh zawn chhuah a, damdawi hi ei tir vek an ni ang a ti. Mizo ten Rulhut ti a kan sawi mai hi chi hrang hrang a awm a, kawng hrang hranga kai theih a ni a ti a. Kan chhehvel hi natna hrik awm miah lo tur khawpin kan buatsaih thei lova, chuvang chuan naupang ten Rulhut an lo kai fo thin a, naupang Rulhut pai chu an hrisel thei lova, thisen an tlachham a, an thangduang lova, an nih tur ang an ni thei thin lo ani. Vawiin Rulhut hlo kan pek hian Rulhut chi hrang hrang a tihlum thei a, a ei tur kum bithliah te chuan an ngei a tul tak zet a ni a ti bawk.

National Deworming Day hi kum tin tum hnih hman thin niin, tun tum hi a thawh hnihna a ni a, ni 17.8.2017 thleng hian naupang kum 1-19 inkarte hnenah damdawi hi sem kim vek tura hmalak a ni.