3801/2022-2023

Mamit 10th March, 2023 : Vawiin khan Chhimveng YMA Hall, Mamit-ah Mizoram State Commission for Women & District Programme Office, Mamit buatsaihin Seminar For Political Empowerment of Women and Laws Related to Women tih hman a ni.

He hunah hian Prof. Lalneihzovi, Mizoram University, chuan Political Empowerment of Women tih thupui hmanga thusawiin mizo hmeichhiate chu kan dikna leh chanvo hre tur leh hmu tur chuan awm hmuna thu ngawt ngawt tur kan ni lo a, kan dikna leh chanvo te hmu tur chuan kan thawhchhuaha, ngaihtuahna kan sen a tul a ni a ti. Chhungkaw nu ber awmlo a kimlo ang hian ram leh khawtlang inrelbawlna-ah pawh hmeichhia kan tel loh chuan a kimlo a ni a ti.

Pu Lalremruata, Advocate, Member Legal Cell, Mizoram State Commission of Women chuan dan leh hrai chungchanga hmeichhiate chanvo leh a huam hrang hrangte sawizauna a nei bawk.

Vawiin hun hmanna hi Pi Zonunpari Sailo, Member Secretary, Mizoram State Commission for Women chuan a kaihruaia, Pi Flora Laltanpuii, District Programme Officer pawhin thusawina a nei bawk.

He hunah hian Mamit khawpui chhunga Hmeichhia Village Council Members, MHIP, YMA, MUP bakah Piramal Foundation-te an tel a ni.