No.2713/2021-2022
Aizawl 25th October, 2021 : Vawiin khan Sub-Divisional Level Road Protection Squad, Mamit te chuan Pu Vanlalhmachhuana, SDO (Sadar) Mamit hovin khawpui chhung kawngpui dung Site Inspection neih a ni.

Vawiin Site Inspection-ah hian kawngpui tichep zawnga in sa bakah kawngpui area nekchep zawnga in sakna bungrua leh hmanraw dang dah an awm leh awm loh enfiah a ni a. Protection Squad te hian hetianga dan bawhchhia an hmuh te hi hmala zui lo tur leh kawngpui tichep zawnga dah tawh lo turin an hriattir nghal a ni.

Mamit Road Protection Squad member te hian khawpui chhung kawngpui dung tichep zawng leh a veivak mipuite tana him lo zawnga hmala lo turin mitinte an ngen bawk.

Vawiin Site Inspection-ah hian Sub-Divisional Level Road Protection Squad members te an tel tha hle a ni.