2339/2024-2025

Dated: Mamit the 2nd of October, 2024 : Faina Beihpui thlakna Swachhata Hi Seva - 2024 kharna leh Sampoornata Abhiyan Aspirationa District Programme tukin khan Mamit Bazar vengah hman a ni.

Pu Jacob Lalawmpuia, District Bawrhsap leh Chairman District Steering Committee on Swachhata Hi Seva - 2024 ni bawk chuan faina beihpui thlak tura hmalakna bawhzuina kawnga Nodal Department PHED leh DUDO-te chungah lawmthu a sawi a, tihtur pek kan nih a, kan tihtur tha taka kan tih mai hian khua leh tui tha kan ni a ti a. Fai tura Sawrkar Department office, zirna In leh khawtlang anga hma kan laknaah theihtawp kan chhuah a ni tih mit ngeia hmuh theihin a awm a, tehkhawng hrang hrang hmanga teh kan nihna-ah lawmman kan la emaw la lo emaw Mamit District hian faina kawngah hmasawnna nasa tak kan nei a ni a ti bawk. Beihpui hun chhung leh hun tiam nei angin kal mah ila, faina kawnga kawng kan sah kuak tawh chu chhunzawmin District fai ber ni reng thei tura mahni theihna zawn theuha hmala chhunzawm turin kalkhawmte a sawm a ni.

Pi Grace Lalremdiki, SDC leh Nodal Officer Sampoornata Abhiyan, Aspirational District Programme pawhin 4th July to 30th September - 2024 chhunga Sampoornata Abhiyan hnuaia Mamit District hmalakna hrang hrang a tarlang a, sawrkar laipui atanga District duhsak bik kan nih anga hmalakna-ah Line Department te'n an tihtur tha taka an tih avangin Sawrkar laipui atangin 19 crore lai Mamit District chhunga hmasawnna hna thawh nana hman a nih tawh thu a sawi.

Swachhata Hi Seva - 2024 17th July - 2nd October - 2024 kalpui chhunga hmalakna hrang hrangte Pi L. Rodinpuii, DUDO leh Pu Malcolm Lalhmingliana, Sr. SDO, PHED te'n report an pe a, Urban hnuaiah hian Sawrkar Department 27, Zirna In - 6 leh VC parukah hnatlang neih a ni a. Cleanliness target Mamit Venghlun leh Bazar veng Mamit thenfai a ni. W. Phaileng, Zawlnuam ah te hmun bal zual tihfai ngai tifaina neih a ni bawk. Week pual hian Digity camp safai mitras buatsaih niin Mamit District Hospital-ah test chi hrang hrang bakah a thlawna damdawi sem a ni. Rural area-ah tehfung chi hrang hrang 12 hmangin Mamit District chhung khaw hrang hrangah hmalakna kalpui a ni a, rural area-a khaw 87 awmah faina chungchanga hmalakna an kalpuina report dawn a ni. Urban hi DUDO lam chan niin Rural hi PHED lam chan a ni thung a ni.

Swachhata Hi Seva - 2024 kalpui chhungin Urban area atan  Best Performance Village-ah Mamit Bazar Veng VC chu thlan an ni a, Rural Area-ah  Best Performing Village ah Hriphaw WATSAN Committee chu thlan an ni a. Best Volunteer Ward - C. Lalṭanpuia Swachhagrahi, Hriphaw te thlan niin lawmman hlan an ni a, heibakah hian Department hrang hrangte leh khawtlang hruaitu faina atana hmalate hnenah chawimawina thuziak hlan an ni bawk.

Swachhata Hi Seva - 2024 kharna hun hi Pi Helen Saibuangi, Sr.EE, PHED, Mamit-in a kaihruai a, Pi Biaknungi, DIPRO kaihruaina-in faina thutiam lakna neih niin, Pi Carolyn LB. Khiangte, Addl DC chuan lawmthu sawina a nei bawk.