2258/2026-2027

Dated: Mamit the 18th of September,2026: Vawiin khan ram pum faina beihpui kawnga hmalakna pawimawh “Swachhata Hi Seva 2026” chu Pu Suvigya S Chandra, District Bawrhsap chuan DC Conference Hall, Mamit-ah a hawng.

District Bawrhsap chuan he campaign hawnnaa lo kal te hnenah lawmthu sawiin faina leh thianghlimna hi mi zawng zawng mawhphurna a ni a, keimahni zawn theuhah theihtawp chhuah tur leh line department te nen thawhho thata Mamit hi district fai leh entawntlaka kan siam a pawimawh a ni a ti. Pu Suvigya chuan he campaign kar hnih lai awh tur hi tun hnaia Supreme Court in Solid Waste Management chungchanga thu a chhuah nen pawh a inrema, fai leh thianghlim awmze nei taka Solid Waste Management Rules 2026 anga kan bawlhhlawh te tun atang chuan kan thliar a tul a ni a ti.

Vawiin hun hi Er.Helen Saibuangi,Sr.EE, PHED Mamit chuan a kaihruaiin Pu Lalthuama, DUDO Mamit chuan lawmthu sawiin hun a khar. Swachhata Hi Seva 2026 thupui chu “Swachhata Mein Sahbhag; Swachh Bharat, Viksit Bharat” (thawhhona nen faina kawnga ram hmasawn) tih a ni a, ni 17th September atanga 2nd October, 2026 thleng India ram puma kalpui tur a ni ang.