2259/2026-2027

Dated Serchhip, the 18^th September: Vawiin khan Serchhip District Deputy Commissioner hovin kar hnih awh faina beihpui thlakna Swachhata Hi Seva 2026 hman tan mek chu, hlawhtling taka hman a nih theih dan tur sawi hona DC Meeting Hall-ah neih a ni a, he hunah hian concerned department hotute, khawtlang hruaitu te leh NGO aiawhte an tel a ni.

Meeting-ah hian District Urban Development Officer Pu Gaston Vanlalhriatpuia hnen atangin khawpui (urban area) chhunga hmalak dan tur ruahmanna chi hrang hrangte ngaihthlak a ni a; District Coordinator, SBM (G), PHE Deptt. Pu Samuel Lallawmzuala hnen atangin thingtlang (rural area) lama hmalak dan tur hrang hrangte ngaihthlak a ni bawk a. Hna thawh tur hrang hrang leh hun bi tuk (timeline) te siam niin, hlawhtling taka hun hman a nih theih dan turte sawi ho a ni a, ruahmannate siam a ni.

Swachhata Hi Seva 2026 hi September ni 17 atanga October ni 2 thlengin ram pum huapa hman tur a ni a, a thupui  chu “Swachhata Mein Sahbhag, Swachh Bharat, Viksit Bharat” tih niin he campaign thil tum ber chu –mipui huapzo hmalakna, mipui zawng zawng telna leh thawh hona hmanga ram nuam leh thianghlim siam a ni. 

Swachhata Hi Seva 2026 neih chhung hian -  Khawpui chhunga hmun bal leh bawlhhlawh paihkhawmna, kawngsir bal, tuikhur leh mipui tamna hmun (Garbage Vulnerabilty Point/Cleanliness Target Units ) thlan chhuah a, tih fai a, cheibawl a, hmun nuam zawka chantir tum a ni dawn a; thalaite faina kawnga hmahruaitu atana chherchhuah tumin awareness campaign te buatsaih a ni dawn bawk a, faina hna thawktu (SafaiMitra)-te hriselna leh himna ngaihpawimawh niin, an pualin hriselna lam hun buatsaihsak an nih dawn bakah hnathawhna hmanrua ‘safety gear’ te pek an  ni dawn bawk a; heng bakah hian bawlhhlawh atanga sum lakluh dan kawng inzirtirnate leh hman hnu hman nawn emaw, thil dang tangkai atana siam dan inzirtirna te leh eizawnna leh sumdawnnaa chantir dan inzirtirnate neih a ni dawn a ni.

October ni 1-ah ‘Ek Din, Ek Ghanta, Ek Saath’ tiin sawrkar office tinah leh VC area tinahte faina hnatlang neih a ni dawn bawk a; October ni 2, Swachh Bharat Diwas-ah, bawlhhlawh paihna hmun GVP/CTU-ahte thing phun hnatlangte neih a ni bawk dawn a ni.