3618/2022-2023
Mamit 17th February, 2023 : Vawiin khan DC Conference Hall, Mamit-ah Green -Ag Project Mizoram hnuaia Technical Support Group Meeting, Mamit District chu Pu Lalnunhlua, Chairman TSG/District Bawrhsap kaihruaina-in thutkhawm a ni.

Vawiin thutkhawmah hian kum 2023-2024 chhunga Project Annual Work Plan and Budget Rs. 58,96,745.00 chu thlirho a pawm niin, hmalak zel dan tur sawiho a ni a, Green Landscape Management Plan (Feb-June) 2023 chu pawm a ni bawk.

He hunah hian Pu Zokhuma Varte, Secretary TSG/ District Agriculture Officer chuan hmalak tawhna hrang hrang report pe-in Free Prior Informed Consent (FPIC) hnuaiah District chhung khaw 13 zawh fel tawh niin Village Implement Committee ( VICs) khaw 13-ah din fel tawh a ni bawk. Household Survey data hi District chhung khaw 11 ah zawh tawh niin khaw 2 ah hmalak tum mek a ni a, Mizo Chilli (Mizo Hmarchate) Post Harvest Management training khaw 12 ah hian nei zawh tawh a ni a, Rajivnagar khua-ah pek tuma hmalak mek a nih thu bakah hmalakna dangte a tarlang bawk.

Mamit District chhunga Green Ag-Project hnuaia hmalakna atan hian heng khaw 13, Pukzing, Pukzing Vengthar, Marpara N, Tuipuibari, Rajivnagar, Damparengpui, Tuirum, Khawhnai, W. Phaileng, New W. Phaileng, Teirei/Hruaitluang, Phuldungsei leh West Phulpui te thlan an ni.

Pi Lalchhuanawmi Pachuau, Team Leader, Green-Ag Project chuan Agenda sawizauna neiin, Dr. Kenny Vanlalhriatpuia, State Technical Coordinator, Green Ag Project, Mizoram chuan lawmthusawina a nei bawk.

Vawiin Meeting-ah hian Mamit District chhunga Line Department hotute an tel a ni.