1169/2023-2024

Mamit 19th July, 2023 : Vawiin khan Mamit District chhung khaw pali-a Village Council By-Election neihna tur atana Final Electoral Rolls-2023 chu Pu V.L. Remliana, District Election Officer/District Bawrhsap chuan a tlangzarh.

Mamit District chhung khaw pali, Darlung VC05018, Hnahva VC05020, Khawhnai VC05031 leh Tuahzawl VC05074-ah hian VC Members boral an awm a vanga, by election hi neih tur a ni a. State Election Commission-in By-Election a puan hunah inthlanna hi neih a ni ang.

Darlung VC05018-ah hian Vote nei mipa 380 leh hmeichhia 363 an awm a, vote nei zawng zawng hi 743 an ni. Hnahva VC05020 ah hian Vote nei mipa 400 leh hmeichhia 334 an vaiin mi 734 vote nei an awm a. Khawhnai VC05031-ah hian vote nei mipa 165 leh hmeichhia 153 an vaiin mi 318 in vote an nei a ni. Tuahzawl VC05074-ah hian Mipa 171 leh Hmeichhia 180 an vaiin vote nei mi 351 an awm mek bawk a ni.

Vawiin Final Electoral Rolls By-Election to Village Council - 2023 tlangzarh tak hi Political Party hrang hrangte hnenah District Election Officer hian a hlan nghal a ni.

Vawiin Final Electoral Rolls tlangzarhna-ah hian Election Officials, Political Party hrang hrang aiawh, Tlawmngaipawl aiawh leh thutharthehdarhtute an tel a ni.