4183/2023-2024

Mamit, March ni 15, 2024 : Vawiin khan I&PR Conference Hall, Mamit-ah World Consumer Rights Day - 2024 hman a ni a. Pu Lalneihkima, DCSO Mamit chuan khuallian niin a hmanpui.

Pu Lalneihkima, DCSO chuan World Consumer Rights Day hmang tura kalkhawmte chungah lawmthu sawiin thupui "Fare and Responsible, Artificial Intelligence for Consumers" chungchangte leh consumer-te pawimawhna a sawi a, mi tupawh consumers kan nih vek theih avangin dan leh dun kan hriat a pawimawh thu a sawi bawk.

He hun hmanpuitu Pu Jerome Lalbiakdika, DTO Mamit chu Resource Person niin Consumer-te leh Lirthei chungchanga dan kan zawm tur, kan tih tur leh tih loh turte a tarlang a, consumer te'n sawrkara chhiah kan chawi turte kan chawi that leh pek a tul zia kan hriat a ngaih thu a sawi bawk.

He hun hi Pu F.L Rinngheta, President MCU Mamit District chuan a kaihruaia, Pu Zirsangliana Palian, Committee Member, MCU Mamit chuan lawmthu sawina a nei bawk.

Kumin World Consumer Rights Day - 2024 thupui atan hian "Fare and Responsible Artificial Intelligence for Consumers" tih chu hman a ni.