4184/2023-2024

Aizawl, 15th March, 2024 : Nihnih awh SCERT leh NCERT (National Council of Educational Council and Training) huaihawt “Project Vidyasagar, Education Workshop” chu vawiin khan SCERT Auditorium-ah khar a ni. He workshop hi National Curriculum Framework (NCF) 2023 in a hmalakna tur thar a duante educators ten an lo hriatfiah theih nana buatsaih niin, NCERT hnuaia National Assessment Centre PARAKH (Performance Assessment, Review, and Analysis of Knowledge for Holistic Development), leh PHD Chamber of Commerce and Industry (PHDCCI) te tangkawpin India ram chhunga a vawi 23-na atan SCERT, Mizoram ah an rawn buatsaih a ni.

He hunah hian Pi Shalini S. Sharma Assistant Secretary General, PHDCCI chuan he workshop a tel tura sawm educator 62 te lawmna thu sawiin hetianga thawh hona tha tak neih fo hi a tul thu a sawi a. Professor Indrani Bhaduri, Head &CEO, PARAKH NCERT chuan keynote address sawiin, zirna level hrang hrang atana thiam chhuah leh hriat ngaite naupangin an thiam chhuah theihna tura educator te pawimawhzia a sawi.

He workshop ah hian, Dr. Lalduhawmi Thomte, Joint Director, SCERT chu khuallian niin kan rama zirna kan kalpui danah hian thlak danglam ngai te thlak a, problem solving leh analytical skills nei tur zawnga zirtirna kalpui a tul tawh thu a sawi.