4185/2023-2024

Dated Serchhip, the 15th March, 2024: Vawiin khan Serchhipah World Consumer Rights Day 2024 hman a ni a, Pu David Lalthantluanga, IAS Depuy Commissioner chuan khuallian niin a hman pui.

Khuallian chuan Serchhip Districtah Consumer Association chak tak leh tha tak a awm chu lawmawm  a tih thu a sawi a, kan zavaiin Consumer vek kan nih thu leh Consumer Rights Day hi Consumer ten  kan dikna leh chanvote inhrilhhriat thar lehna hun hlu tak a nih thute, kan nitin mamawh hrang hrang siamtute lakah pawh kan dikna chanvo humhalh tur kan nih thu a sawi. Tunlai khawvel hmasawnna chak tak karah  sumdawngte leh a leitu te inkarah inlaichinna tha tak awm chhoh zel a tul thute, tunlai internet khawvel ah inbumna nasa karah mipui (Consumers) te fimkhur turin a chah bakah tunlai khawvelah Artificial Intelligence (AI) khawl thluak nei kan hman nasat leh lar tak hi a tangkai leh a that rualin, a chhe zawnga hman theih anih thute a sawi bawk a ni.

Resource Person Pu Laldinpuia, Asst. Proffessor, Govt. Serchhip College chuan “Fair and Responsible AI for Consumer” tih chu sawiin thil leitu leh midang service hmangtu zawng zawngte hi Consumer kan ni vek a. Khawl thluaknei (AI) nena cheng ho kan nih tawh avang hian kan chanvo humhalh tura theihtawp kan chhuah hi a tul a ni, a ti.

He hun hi Pu Pc Vanlalluna, Vice President SDCA chuan a kaihruai a. DCSO Serchhipa thawktute, Sub Head Quarters YMA aiawh, VC aiawhte leh Retailer te an tel a. Pu Vanlalhriata, DCSO chuan lawmthu sawiin hun a khar a ni.

Attachment

  • Loading attachment...