4991/2025-2026

Dated:Mamit the 24th of March, 2026: Vawiin khản World Tuberculosis Day 2026 chú Chhim Veng YMA Hall, Mamit-ah Pi Carolyn LB Khiangte, Addl DC Mamit chuan Khual lian niin a hmanpui a, “100 days campaign” TB umbo kawnga hmalakna a hawng nghal bawk. Tun kuma thupui “Yes!We can end TB; led by Bharat, powered by Janbhagidari” - “TB kan hneh thei, ram kaihhruainaa mipuite chakna rinchhanin” tih hmanga hun hman a ni.

Pi Carolyn LB Khiangte chuan vawiina lo kalte chu midang tana zirtirtu ṭha zawk TB awmlohna ram kan nih theihna atana sulsutu ni ṭheuh turin a chah a, TB awm tawh lohna khaw 19 chu a lawmpui thu sawiin nakumah chuan gold la thei ngei tura ṭan la turin a fuih. 100 days campaign kalpui a ni thei tur chu lawmawm a tih thu sawiin TB do kawnga health worker ten hmanraw ṭha zawk nên búl an ṭan dawn a, ṭha tak leh uluk taka kalpui turin a chah a, VC, NGO leh line department tê pawh he natna do kawngah thawhhona ṭha neih a ṭul a ti a, TB awm tawh lohna district nih ngei tuma ke kan pen a ṭul a ni a ti.

Vawiin hunah hian Dr Thanmawii, District TB Officer leh Deputy CMO chuan TB do kawnga hmalak tawhna report a pe a, Pu Hmingchungnunga, DPS (NTEP) chuan TB Mitra chúngchang awareness campaign neiin TB Mitra (Donor) Citation semna hun hman a ni bawk.

Khuallian hian TB Free village khaw 19 hnenah chawimawina a hlan a, silver hi khaw 12 in dawngin bronze hi khaw 7 in an dawng.