World TB Day chu ramchhung hmun dangte rualin vawiin khan Eye Building,Mamit District Hospital ah hman ani,Pi Lalbiaksangi MCS,District Bawrhsap chuan khuallian niin a hmanpui.

DC chuan thusawiin,TB natna hi damdawi eithat chuan awlsam taka dam leh thei ani a,hmanlai chuan damdawi tha te kan neih loh avangin he natna hi thihpui pawh kan tam hle thin a,mahse tunah chuan Damdawi tha tak a lo awm ta a,tuna TB natna vei mek te leh a damdawi eimek te in vannei hle a ni tiin,TB natna laka in lo fihlim theihnan thatak leh hunbi dik takah damdawi in ei thin tur ani tiin TB veimekte a chah.

He hunah hian Dr PC.Lalawmpuia pawhin thusawiin,kan taksa natna dotu khawl a chakloh chuan TB natna hi kai awlsam tak ani a,kar hnih ai a rei kan khuh chuan TB natna kan vei ani thei tiin,TB natna lan chhuah dan hrang hrang leh doctor inentir hun chung chang a sawi bawk.

Pu A.Vansangliana STS hnena tangin report ngaihthlak ani a,kum 2003 atanga 2015 thleng in Mamit District ah TB natna hmuhchhuah zat chu 802 niin,chuap TB 552,chuap pawnlam 180,TB vei nawn leh 70,TB vanga boral 13 awmin,Kum 2016 chhungin TB vei mi 22 awmin heng zinga 4 hi chuapa hrik awm niin a dang 14 hi chuap pawnlam a hrik hmuh an ni,mi 4 TB vei nawn an awm bawk.

He hunah hian TB damdawi ei dam tawh ( Cured Patient ) leh damdawi a hmuna kal chilha pe tute ( Dot Provider ) hnen atangin thusawi ngaihthlak ani bawk.

Inkhawm hi Dr.Lalrinthangi DTO in kaihruaia,Andrew Vanlalhruaia DPPM Co-ordinator in lawmthusawina a nei ani.