MZP Headquarters Mamit buatsaihin vawiin chawhma dar 10:30 khan (HSLC&HSSLC) hlawhtlingte lawmpuina hun chhimveng YMA hall ah neih a ni a, Dr Ngurdingliana, MLA MAMCO Chairman chu khuallian niin a hmanpui.

Dr Ngurdingliana, MLA MAMCO Chairman chuan thusawina neiin, HSLC hi zirna kailawn bul ani a, pawl sawm kan pass hian keimahni tuina zawng hre chunga kal a ngai a ni a ti, khawvel changkanna mil zela in her rem a ngaia, thiante subject ang lak ve ringawt hi kan zir leh zelna tur atan a fuh lo thin a ni, District Hqrs. ah zirlaiten an subject zir duh an zir theihna tura subject awm kim se a duhthu a sawi a, hemi kawnga hmala tur pawh hian amah ngei pawh a in huam thu a sawi, tun dinhmunah college tam takah cut marks a awm avangin admission ah zirlaiten harsatna tawk mahse hei hian zirlaite thiam taka pass thei tura tan min lak tirtu ni zawk se tiin. Zirlaiten Taihmakna, tumruhna, tuarchhelna neih a ngaia chumi neite chuan hlawhtlinna an nei thin a ni a ti bawk.

He hun hi Christopher Lalmuankima Vice president MZP hqrs. chuan a kaihruai a, Pu H.Lianzela Adll DC, in thusawina a nei a, He hunah hian zirlaite pualin, Career Guidence Awareness Campaign neih nghal ni a, Resource Person atan Pu Micky Lalenkawla DPC SSA leh Dr Nancy Lalnunmawii District Consultant, National Tobacco Control Programme ten hun an hmang bawk a ni.