Cod Nerc leh MZP Hqrs Mamit bultumin vawiin khan Chhim Veng YMA Hall, Mamitah Mamit District chhunga zirlai mi 20 te hnenah Solar Lamp sem a ni a. District Bawrhsap Pu K. Lalthawmmawian khuallian niin he hun hi hmanpuiin zirlaite hnenah solar Lamp a sem.

Solar Lamp semna hun Lalropuia President MZP Hqrs Mamit kaihruaiah Pu K. Lalthawmmawia District Bawrhsap chuan thusawiin a mahmawhtu te hnena tanpuina pek tluka hlu hi khawvelah a awm lova, zirlai tena Power Supply a awm loh pawha an zirlaite an zir theihna tura tangkai tak tur eng tha tak mai zirlaite hnena pek a ni chu lawmawm a tih thu sawiin, hetiang hun buatsaih a nih theihna tura hmalatu Cor Nerc leh MZP Hqrs Mamit te chungah lawmthu a sawi a ni. District Bawrhsap, chuan mithiam leh hlawhtling kan tih te hi mi taima an ni a, thiam theihna aiin taimakna leh tumruhna hian hlawhtlinna a keng tel zawk a ni tiin tunlai thiamna sang takah Internet leh thildangah kan hun tha tamtak kan hmang zova heng lakah hian a chin tawk hria a mahni in veng thiam turin leh zirlai kalkhawmte chu khawtlang, ram leh chhungkaw tana chhenfakawm tak ni tura an zirlaiah taimak chhuah leh zual turin a chah a ni.

Pu B. Lalchhanzova, Chairman Cod Nerc pawhin thusawiin Mamit District chhunga zirlaite te tana an sem Solar Lamp chu thil hlu leh ropui tak ni lo mahse zirlaite hmakhaw ngaia an hriatreng zia ti langtu a ni tih hriatnan a hmang turin zirlaite a chah a ni.

He hunah hian Zirlai naupang tha hnem tak an tel a. Zirlai fuihna thu tha tak tak ngaihthlak a ni bawk.