Vawiin ni 20th November , 2014 hian DC’s Committee Room Aizawl ah Special Summary Revision of Electoral Roll 2015 neih mek chungchangah meeting pawimawh tak neih a ni a. He hun hi Pu B. Lalhmingthanga, MCS Electoral Roll Observer in a hmanpui a ni.
Pu B. Lalhmingthanga, MCS Electoral Roll Observer Aizawl District chuan Election Commission of India in a phut angin roll a thun tur dik tak khua leh tui nihna neite thun an nih theihna turah hian thawktute mai bakah Political Party aiawhte leh Tlawmngai Pawlte’n theihtawp chhuaha an beihna azarah harsatna em em a thleng lova, a lawmawm takzet a ni a ti a. Harsatna leh buaina a awm leh awm loh endika observe mai tur a nihna anga engmah harsatna a awm lo chu vanneihthlak hle a hriat thu a sawi bawk.
He meeting kaihruaitu Pu Lalchungnunga, Addl. D.C Aizawl pawhin Roll dik leh felfai kan neih theihna tura beitu zawng zawng thahnemngaihna ah te, Roll Revision neih chhunga Media te tawiawmna tha tak an dawn avangin lawmthu a sawi bawk a ni.
He meeting ah hian bial hrang hrang ERO,AERO te leh Political Party leh tlawmngai pawl aiawhte pawhin khawi hmunah mah harsatna awm lova Roll Revision kalpui a nih thu leh officials te nena thawhhona tha tak hnuaiah hmalak a nih avangin lawmthu an sawi hlawm a ni.
He meeting ah hian Aizawl District chhunga ERO/AERO, Political Party aiawhte, tlawmngai pawl aiawhte leh thuthar thehdarhtute an tel tha hle a ni.
