MZP Hqrs Mamit huaihawtin nimin khan Chhim Veng YMA Hall-ah Zirlaite Ni hman a ni. Pu Lalhmunmawia Dy DPC SSA Mission Mamit leh Pu Mickey R. Lalenkawla SDEO, Mamit ten an hmanpui.

Zirlaite Ni hmanna hun hi Zohmingthanga Vice President MZP Hqrs Mamit in a kaihruai a, Pu Lalhmunmawia Dy .DPC SSA Mission Mamit chuan thusawiin zirlaite hian kan dikna kan hriat a pawimawh hle a, chutihrual chuan kan tih tur kan duty kan hriata kan tihhlawhtlin ve zel pawh a ngai a ni a ti. Pu Lalropuia MZP Hqrs Mamit pawhin thusawiin Zirlaite hian School Component chhungah chauh pawh nilo kan awmna hmun apiangah hian mawhphurhna kan nei a ni a ti a, eng kawng pawh zawh ila chhawrtlak a chhuak turin zirlai zawng zawngte a sawm a. Zirlaite te chu nakinah ram leh hnam hruaituturte kan ni tih in hre thar a, ram tana chhenfakawm tak ni turin theihna kan nei a a ni a ti bawk.

Chawhnu lamah Pi Laltharzeli, Para Legal Volunteers Mamit, Pu Lalrinhlua District Child Protection Officer leh Pu Lalropuia Hmar, EE PHED Mamit ten thusawiina hun an nei bawk a.Zirlaiten an thiam thil chi hrang hrang entirin intihhlimna neih a ni.

Zirlaite Ni hmanna hunah hian zirlai 500 vel an tel a ni.