1079/2026-2027

Dated : Mamit the 19th of June, 2026 : Vawiin khan Chhimveng YMA Hall-ah Mizo Student Union (MSU), Mamit huaihawtin Mamit khawpui chhunga zirlai tithate chawimawina neih a ni a. Er H. Lalzirliana, Bialtu MLA chuan Khual Lian ni a hmanpuiin, Pu Suvigya S. Chandra, District Bawrhsap chu Khual zahawm a ni.

Khual lian chuan Mamit-in zirna lama hmasawnna kan hmu chho ta leh Mizoram deng chhuak khawpa thiamna nei kan awm ta chu khaw pa a nihna ang pawha a lawmthu a sawia, hniam bik riau leh tlawng thlang rilru pu tih kan nih thinna pawh thiamna hmangin kan hneh zel a ni tiin, Mamit khawtualah ngei Science leh Commerce zirna kan nei ve ta te, kumin HSSLC result chhuaka Commerce bika 100% result kan nei ta te chu hmasawnna lawmawm tak a ni a, Covid -19 laia Health Worker Involunteer tur kan District-ah kan in hmuh loh laiin tunah chuan ANM zirna School Mamit-ah ngei kan nei tak avangin kumtin mi 20 zirchhhuak kan nei ta te hi  hmasawnna ropui tak a ni a ti. Heng hmasawnna ban phak ve tura zirlaite kan in buatsaih a tul a, hlawhtlinna changtate a lawmpui thu a sawi.

Pu Zira chuan India ramin hmasawnna kawnga zawh chho meka, khawvel ram changkang tehna G-7 hialah India ram hi kan tel tawh a, kan GDP pawh 7.8 hial a kai a ni. Ramin hmasawnna kawng a zawh zel avangin hna a pung zel dawn a, mithiam bik leh mi ti tak tak te tan hna a in hawng zel dawn a, chuvang chuan kan zirlaiah phurna nasa zawk nena thahnemngai lehzuala tan la turin a chah a ni.

Khual zahawm Pu Suvigya S. Chandra pawhin zirlaite fuihna thu sawiin, theihtawpchhuaha zirlai zir te'n hlawhtlinna an chan thin avangin taima taka an zirlaite zirturin a chah.

Vawiina zirlai titha chawimawite hi MES, MBBS, School 100% passed, HSLC top ten in hlangkai mi 2, HSLC Disctintion - 5, 1st Division - 31, HSSLC -ah Disntintion - 2 bakah 1st Division - 20 te hnenah chawimawina hi hlan an ni.

Zirlai titha chawimawina hunah hian Pu B. Lalkhawngaihzuala, President Generel Hqrs, MSU chuan thusawina a nei a, Pu Lalremmuana Punte, President MSU, District Headquarters, Mamit chuan inlawmna thu a sawi bawk.

Chawhnu hunah Mamit Officer Club huaihawtin zirlai kalkhawmte tan Career Guidance neih a ni a, Pu RK Hnuna, Director, Zo Carrier Solution chu Resource Person niin MOC atangin Discussion leh Counselling hun hman a ni bawk.