4701/2025-2026

Dated : Mamit the 5th of March, 2026 : Vawiin khan Mamit College-ah PMEGP Awareness Programme hman a ni a,Khadi and Village Industries Commission (KVIC), Aizawl official-te’n an hman pui.

Pu Safiyan Hayath, KVIC Aizawl Executive chuan Power Point presentation hmangin PMEGP scheme kalphung leh a luh dan (implementation process leh entry procedures) a sawi a. PMEGP Scheme hnuaia hlawkna dawn theih dan leh a dil dante a sawifiah a, entrepreneur thar lo chhuak turte tan remchang awm theih dante a tarlang bawk.

Pi Lalthapuii, KVIC Aizawl Marketing Representative chuan mizoram chhunga thil siam leh service hrang hrangte hralh theihna leh an market chungchang a sawi a.PMEGP scheme hmanga mimal te'n business thar an tan theih dan leh hma an lak dan turte a sawi fiah bawk.

He hun hi college student-te zingah mahni kutkawiha eizawnna kawng leh PMEGP hnuaia puihna awmte hriattirna tura buatsaih a ni a. Zawhna leh chhanna hun hman niin, KVIC official-ten an chhang a ni.