4700/2025-2026

Dated Serchhip, the 5th March, 2026: Serchhip DC Pu Paul L Khuma hovin vawiin khan DC Meeting Hall-ah Eklavya Model Residential School (EMRS), Serchhip te mamawh doctor rawih dan tur mi pawimawhten an sawiho.

Eklavya Model Residential School (EMRS) hi Ministry of Tribal Affairs din niin Scheduled Tribe zirlai te tan, a thlawna lehkha an zirtheihna tura buatsaih a ni a. School leh Hostel fee, ei leh in leh an zirna kaihhnawih thil dang zawng zawng a thlawna pek an ni a. Hei bakah hian an hriselna endikna thlenga pek tur an nih avangin vawiin khan EMRS tana doctor rawih dan tur thuneituten an rel a ni.

Meeting chuan kar khatah vawih hnih zel EMRS, Serchhipa thu tur part time doctor rawih ni se, tiin an rel a. Doctor rawih chungchang hi EMRS inkaihhruainaa awmsa a nih avangin vawiina thurel te leh doctor a rawih man tur hi School neituten sawrkar laipui hnenah an hriattir leh dawn a ni.

Vawiin meeting ah hian EMRS hotute bakah Education officer, DIET Principal leh Serchhip Governmwnt College aiawh, DRDO Project Director leh mi pawimawh dangte an tel a ni.