No.2623/2020-2020

Mamit 1st July, 2020 : Vawiin khan DC Conference Hall, Mamit-ah Dr Lalrozama, IAS District Bawrhsap hoin, District Level Task Force-te thutkhawm a ni.

District Level Task Force thukhawm hian Mamit District chhunga Covid-19 hrileng mek avanga khuahkhirhna kalpui dan tur hrang hrang duan niin Partial Lockdown kalpui thar leh turah hian Mamit District chhunga nitin mamawh zawrhna dawrte chu nitin tlai dar 6 thleng an in hawng thei anga, zanlamah erawh 7:30Pm - 4:30 Am curfew puan chhunzawm a ni. Lirthei chetvelna-ah District chhungah chhunlamah lirthei engpawh veivah phal a ni a, Pathianni bikah erawh lirthei eng chi mah chhuah phal a ni lo.

Meeting hian Covid-19 hrileng mekah sawrkarin dan a siamte tha taka zawm turin mipui an ngen nawn leh a, mipuite chu tul tawpah lo chuan pawnchhuaklo tur leh pawnchhuakte reng rengin tha taka mask vuah vek turte leh social distancing ngai pawimawh deuh deuh tura ngen leh hriattir kan ni.

Partial Lockdown kalpui chhung hian rampawn atanga rawn lutte tumah mikhual neih phal a ni lo a, tun thlengin hei hian zawm hlawhin tumah mikhual nei tura phalna dil pawh an la awm loh thu meeting-ah hian tarlan a ni a, heibakah hian Mizoram Sawrkarin khuahkhirhna dan No. B. 13021/101/2020 - DMR/Pt - III Dated 30th June, 2020 a chhuahte zawm vek tur a ni ang.

Meeting-ah District Level Task Force member-te an tel tha hle a ni.