No.2155/2020-2020

Mamit 18th June, 2020 : Vawiin khan DC Conference Hall, Mamit-ah Dr. Lalrozama, IAS, Mamit District Bawrhsap chuan TrueHB Hemometer leh Test Strips chu Dr. Vanlalfela, CMO, Mamit hnenah a hlan.

Mamit District Bawrhsap chuan Aspirational District kan nih angin REC Foundation atanga he khawl hi kan dawn a ni a. A bik takin nu naupai mekte'n an HB (Haemoglobin) awlsam taka an test zung zung theihna tura pek kan ni a. Tha tak leh a nihna tur ang taka hmang turin hriselna lama thawktute chu a chah a ni.

TrueHB Hemometer leh Test Strips te hi REC Ltd. CSR Health Project hnuaia dawn niin Mamit District chhunga Health Sub Centre 41 te hnenah Set 1 theuha sem chhuah tura ruahman a ni.

He hunah hian Health & Wellness Officer, Health Supervisor leh khawpui chhunga Health Worker-te koh niin a khawl hman dan chipchiar tak zirtirna neih nghal a ni. Pu Beitlotha Nohro, Aspirational District Nodal Officer chuan Powerpoint Presentation hmangin a khawl hman dan zirtirna a pe bawk a ni.

Attachment

  • Loading attachment...