66/2023-2024

Mamit 10th April, 2023 : Vawiin khan DC Conference Hall, Mamit-ah Pu V.L. Remliana, Mamit District Bawrhsap thar chuan Mamit khawpui chhunga Sorkar Department hrang hrang hotute Meeting a neihpui.

District Bawrhsap chuan Department hrang hrang hotute'n an thawhpuina a mamawh dawn thu sawiin Development Department te'n tha tak leh chak taka hna an thawh chu District Administration-in an tum a nih thu a sawi a. Mamit District hmasawnna tur atan kan hma zawna hna theuhte theihtawpchhuaha thawk turin a chah a ni.

Meeting-ah hian Department hrang hrang hotute pawhin an Department chana harsatna an neih te leh an hmalaknate DC hnenah hian an thlen a ni.

Vawiin thutkhawmah hian Union Minister of State-in Mamit District a rawn tlawh tur chungchang sawihona neih nghal niin lo dawnsawn dan tur rel anih bakah mawhphurna chanvo hrang hrangte inpek nghal a ni bawk.

Vawiin Meeting-ah hian SP Mamit leh Head of Office an tel tha hle a ni.