Mamit DC Pu Vanlalngaihsaka chuan vawiin khan Mizoram Journalist Association, Mamit District hruaitute leh member te a pisa ah a kawm.

Vawiin inkhawmhona ah hian Pu Vanlalngaihsaka chuan MJA te chu thudik tana thleibik nei lova thu puangdarh tura fuihin finchhuah an ngaihna lai apianga finchhuah thin turin a chah a. Sorkar hmalakna puanzar kawngah leh siamthat ngai laite siamthat kawngah MJA hote nen thawhhona tha tak an neih a beisei thu sawiin, Mamit District-ah hmasawnna atana an thawhho a beisei thu a sawi.

MJA Mamit District President Pu R. Lalawmpuia chuan DC chu MJA member kalkhawmte hmelhriat tirna neiin MJA anga an hmalakna te a sawi a. Vawiin inkawmhona ah hian District hmasawnna atana hmalakna tur leh tanlakna tur hrang hrangte sawiho zingah NH 44A laih mek, NLUP hmalakna, Bairabi Lei dawh mek leh Power supply chungchangte chu sawiho langsar zual a ni. Thawhhona tha tak neih dan turte sawiho a ni bawk.

Vawiin meeting-ah hian Addl. DC Pi Biaksangi; SDO (Sadar) Pu C. Lalsangluaia leh DIPRO Pi JH Lalparmawii te pawh telin inkawmhona hun tha tak neih a ni.

MJA te a kawm hma hian khawtlang hmasawnna sawihovin Joint V/C, Mamit hruaitute kawmna hun Mamit DC hian a nei bawk.