Vawiin ni 17th March, 2015 hian Chief Secretary Conference Room-ah Ni 25th March, 2015 a Zokhawthar hmuna Land Customs Station, Union Minister of State, Ministry of Commerce & Industries, Smt. Nirmala Sitharaman in a hawn tur chungchangah Pu Lalmalsawma IAS, Chief Secretary, Mizoram hovin mi pawimawhte an thukhawm.

He thutkhawmna-ah hian Union Minister of State hi ni 24th March, 2015 tlai dar 2:15 pm ah Lengpui Airport ah lo tumin Aizawl Motor-a rawn pan tur anih thu tarlan niin Aizawlah zanriakin a tuk ni 25th March, 2015 hian Pawan Hans Helicopter-in Zokhawthar a pan ang a. Zokhawthar-a Land Customs Station (LCS) a hawng nghal dawn a ni.

Union Minister of State lokal lo dawnsawn dan tur leh Land Customs Station hawnna tura thil tul hrang hrangte chipchiar takin sawihova ngaihtuah niin a rawn thlen tlai hian Zuangtuia Industrial Estate tlawhpui a ni ang a, zanriah Chief Minister in a lo buatsaih sak dawn a ni.

Zokhawthara Land Customs Station, Union Minister in a hawnna tura thil tul hrang hrang a hmunhma lo cheibawl dan tur te, felfai taka function buatsaih anih theih dan tur te, venhimna lama thil tih tur tul hrang hrang te, Union Minister of State a hmuna lo dawnsawn dan turte he meeting ah hian chipchiar takin sawiho a ni a, mawhphurtu turte ruat nghal an ni bawk a ni.

Land Customs Station hawnna ah hian Union Minister of State hi Chief Minister Pu Lal Thanhawla leh a nupui Pi Lal Riliani leh Pu H. Rohluna, Minister, Trade & Commerce etc. ten an tawiawm dawn a ni.