2672/2023-2024

Vawiin khan DC Mamit Complex atangin MLA inthlanna buaipui tur Polling Official-te chuan an duty-na hmun tur Polling Station panin an kal chhuak tan a. Mamit District chhunga Polling Station panna harsa zual 38-ah an kal chhuak a ni.

Polling Official-te kalchhuahna hun hi Pu V.L Remliana, District Election Officer leh Election Observers Pu Sudhansu Mohan leh Pu Rishirendra Kumar ten an an telpui a ni.

Vawiin ah hian Electronic Voting Machine bak ah Voting Compartment leh Polling Official-te mamawh hrang hrang pek chhuah a ni a. A hmun an chhuahsan hma in Returning Officer leh Nodal Officer-te enpuina hnuai ah EVM endikna leh EVM hnu chhuina, Traccar Apps an hmang ngei a ni tih enpui an ni bawk. Polling Official-te hi an mahni bialtu Returning Officer-te hnen ah theuh inhriattirin an thil ken tur hrang hrang a kim leh kim loh endik sak vek an nih hnu ah an duty-na tur Polling Station panin an kal chhuak a. 1-Hachhek AC chhungah PS pakua a duty tur, 2-Dampa AC chhungah PS sawmhnih a duty tur leh Mamit AC chhunga PS sawm a duty tur te an chhuak fel a, naktuk ah Polling Station danga chhuak turte chu DC Complex atangin chawhma ah an chhuak leh tan dawn a ni.