Vawiin khan Mamit District Anti-Tobacco Squad te chuan Office hmun hrang hrangah Drive an nei a, kum 2012 chhung hian Mamit District Anti-Tobacco Squad te hian Drive vawi 14 nei tawhin phallohna hmuna meizu mi 34 manin, pawisa chawitir an ni tawh a ni.

District Bawrhsap hova Mamit District Anti tobacco Squad leh District Level Task Force ten Joint Meeting-a an lo rel tawh angin Mamit khawpui chhunga Public places hrang hrang ah zuk leh hmuam dona kawngah nasa leh zuala tan lak ni se, tih chu chak taka bawhzui zel a ni a, zuk leh hmuam dan in a phallohna hmuna zuar te leh danin a phalloh(pictorial Health Warning) awm lohna zuar tute chungah pawh dan angin action lak zel a ni bawk a ni.