Vawiin khan Lunglei DC Conference Hall ah District Child Welfare Committee buatsaihin Orientation Programme on ICPS and Its Functionaries With Govt.and Civil Socities hman a ni.
Pu K.Zamuana, District Child Welfare Committee Chairman kaihhruaiah hian hawnna thu sawiin Pi Lalpianpuii Programme Officer, ICDS Lunglei chuan Lunglei District Child Protection Society din anih hnua hetiang hun hman hmasakberna anih thu sawiin India Sawrkar chuan naupangte dikna chanvo humhalh a duh em em a,Mizoramah pawh theihtawp a hmalak anih thu sawiin naupangte chu chhungkua zinga member pakhat an nih avangin an dikna leh zalenna humhalh leh zah sak a ngai tih a sawi.Tun hma chuan Mizo Society ah naupangte an hlu lovin ngaihsak an hlawh tawk lova,tunah chuan helamah hian nasa takin kan thangharh tawh a,naupangte hrilselna,ei tur tha,silh leh fen leh chenna tur an neih hi an chanvo dik tak anih avangin hei hi ICDS chuan a ngai pawimawh tak zet tih a sawi bawk.Thusawitu dang Pi Sylvie Z Ralte, Principal Magistrate JJB chuan Lunglei a observation Home an neih ah Lawngtlai leh Saiha District chhunga kum tling lo thil tih sual avanga enkawl ngaite dahkhawmna ah harsatna hrang hrang an neih thu sawiin room pakhatah dah vek an ngai a,hmeichhe room tur pawh an neih loh bakah zirna an dawng thei lo tih sawiin nu leh pa engngemaw zat chu an fate avanga Conseling an pek thin thu a sawi bawk.
He hunah hian Juvinile Justice Act leh Juvinile Justice Board kal phung leh an thuneihna te leh Indian Child Protection Society kal phung te mithiamte hnen atanga ngaihthlak leh sawiho a ni.
