Vawiin khan DC Conference Hall, Mamit-ah Dr Lalrozama, District Bawrhsap hovin Mamit District Aspirational District atanga chawikanna tur atana hmalakna tur hrang hrang sawiho a ni.

Dr Lalrozama, chuan Mamit District chu Aspirational District kan nih angin mipuite hriselna, zirna etc ah te hmalak chhoh mek zel a ni a, hetah hian thawktute thahnemngaihna leh inpekna nasa zawk nena hmalak chhunzawm turin theihtawpa kan chhuah a ngaih thu a sawi.

Meeting-ah hian Hriselna, chungchang, Zirna chungchanga hmalak tawhna hrang hrangte sawiho a ni a. Hriselna chungchangah Damdawiin ngeia nu nau neite'n nau an neih theih nana hmalakna tur chungchang sawiho a ni.

Mamit District chhunga CHC/PHC Medical Officer-te atangin an harsatna leh hmalak dan hrang hrang ngaihthlak niin nu nau nei turte, Hospital an panna tura Ambulance an neih that loh avangin Damdawiin ngeia nau nei an tlem thu tarlan a ni a. Mamit District chu hnam hrang hrang cheng kan nih avangin hridanna pek kawngah ngaipawimawh lo leh a tangkaina hre tawklo an awm chu tehna hrang hrangah kan tlakhniam thu tarlan a ni. Hmalakna tur zingah hian thingtlang kilkhawr zawk leh Minority awm tamna-ah  Missionary thawkte chhawr tangkai dan turte tarlan tel a ni.

Meeting-ah hian District chhung CHC/PHC tinte chu an data tharlam ber a rang thei ang berin CMO, Mamit hnenah thehluh nise tih a ni bawk. 

Meeting-ah hian Addl DC, CMO, DEO, DPC, DPO Mamit-te bakah District chhung CHC leh PHC Medical Officers-te an tel a ni.