Vawiin chawhnu Dar 2 khan DC Conference Hall Mamit-ah Mamit khawpui chhunga Analog Cable T.V tih tawp dan tur Pi Lalbiaksangi District Bawrhsap hovin sawi ho a ni.

Meeting-ah hian Mamit District chhunga Phase 3 huam chhunga Analog Cable T.V hmangtute chu tun thla July 31, zanlai Dar 12 hian tih tawp vek tawh tur a rel a ni. Phase 3 hian Mamit leh Zawlnuam te a huam a ni. Analog Cable T.V hmangtute hi Set Top Box hmang vek tura hriattirna leh ngenna pek an lo ni tawh a. Chhungtinte'n awlsam zawka Set Top Box an hman theihna turin Instalment-in Cable Operator te hnen atanga lei theih anih thu leh harsatna leh hriatfiah duh nei te tan pawh zawhfiah theih renga awm turin Cable Operator te hi hriattir an lo ni tawh bawk. Set Top Box chhia awm thin te pawh awlsam zawka siam that zung zung anih theih nana hmalak nise tih a ni.

Heng bakah hian khawpui chhunga Cable hrui hnawk zualte thenfai dan tur sawiho a ni bawk.