Vawiin khan Dr Lalrozama, IAS District Bawrhsap hovin Vaimim eichhetu Pangang Fall army Warm enfiahna a hmunah neih a ni.

He Vaimim eichhetu Pangang hi Mamit District-ah thla hmasa April vel atang khan a rawn lut ve tan ni-a hriat a ni a, District Agriculture Office-te chuan a hmunah kalchilhin damdawi hmanga tihrem tuma hmalak chhoh mek a ni a. Vawiin hian District Dawrhsap bakah Pu C. Lalengzauva, District Agricultural Officer-te nen Mamit Hmunsam thlanmual bula Vaimim eitu Fall Army Warm hi enfiahna neih a ni.

Fall Army Warm (Spodoptera frugiperda) hi India ramah kum 2018 May thla khan Tamil Nadu atanga report dawn a ni a, India ram chhimlam State 10 leh Western Maharastra, Gujarat leh North East-ah te hriat chhoh zel a ni ta a ni. Mizoramah hian April thla chawhnu lamah kan Vaimimte a rawn khawih ve tan a, Vaimim bakah hian Buh, Fu (Sugarcane), Sweet Corn te pawh a effect ve ni-a hriat a ni.