Sawrkar Laipui ruahmanna anga, Cable TV Digitization tura hmalakna chu Mamit District chhungah pawh kalpui zel niin vawiin khan D.C Conference Hall, Mamit-ah hmalak tawhna dinhmun thlirin Pu H.Lianzela Addl D.C hovin thutkhawm a ni.
Meeting kaihruaitu Pu H. Lianzela, Addl D.C chuan Mamit District chhunga Cable Digitization kalpui mek chu Ni 31. March, 2017 thleng hun pawhsei a nih thu sawiin hemi hma ngei hian Local Cable Operator-te chu inpeih hman ngei a ngaih tawh dawn thu leh hma la lo te chu inhriatthiamna a awm tawh dawn loh thu a sawi. Hemi kawngah hian District chhunga Block Development Officer te pawh an mahni bial theuhah lo zirchianga enzuipui a ngaih dawn thu a sawi a ni.
Meeting-ah hian District chhung hmalakna dinhmunte thlir ho a ni a, District chhung khaw tam zawkah chuan Cable Digitazation hi kalpui a ni tawh a, khaw thenkhata Local cable Operator Analog hmanga la pe chhuak thinte pawh hun tiam hi ngaih pawimawh a ngaih thu inhrilhhriat a ni.
Meeting-ah hian Mamit District chhunga Local Cable Operator te’n digitization kalpui meka an hmalak tawhna te tarlan a ni.
Meting-ah hian Block Development Officer (BDO) Zawlnuam. Phaileng leh Reiek atangte leh District chhunga Local Cable Operator-te an tel a ni.
