Vawiin khan District Research Office, Mamit-ah Mamit District chhunga Baseline Survey on Village /Locality Profile nei tur mi 30 te tan training neih a ni.

Training hi Pu Malsawma, District Research Officer, DRO chuan kaihruaiin training tur kalkhawmte chu Mizoram sawrkarin statistics dik leh fel neih hi a ngaipawimawh hle a, chumi avang chuan District tina DRO te chu hmala tura tih an nih thu sawiin Mamit District pawhin kan kan dinhmun dik tak kan hriattheihna turin theihtawp chhuaha hmala in survey nei tura inbuatsaih chhoh a ni ta a ni a ti. 

Enumerators kalkhawmte chu uluk taka training nei tur leh an thil hmuh leh hriatte chu Mizoram dinhmun kawng hrang hranga  chiang taka tarlang tu leh rintlak tur a nih avangin theihtawpa tan la tura chahin, hriathiam loh an nei a nih pawhin zawhna zawh hreh lo a uluk taka training turin a chah bawk a ni.

Pu K. Philip Rosiamliana, Inspector  of statistics & Resource Person chuan Mamit District dinhmun rinthu mai nilo chiang taka hriat leh tarlan a nih theihnan a, form hrang hrang duansa hman dan tur enumerators te zirtirna a nei bawk a ni. 

Training-ah hian Mamit District chhunga survey nei tur enumerators thlanchhuah mi 30 te an kalkhawm a, Zawlnuam Block huam chhunga enumerators thlanchhuah te tan hian a hranin a hmuna kalchilha training hi pek leh an ni ang.

Attachment

• Loading attachment...