Vawiin khan DCs Conference Hall, Mamit ah Mamit District chhunga Booth Level Officer (BLO) te tan training buatsaih a ni a. Training hi Pu A. Biaklawma, Addl. D.C. Mamit, ERO nibawk chuan a kaihruai a ni.

He training ah hian Election Commission of India in thuchhuah a siam angin 1.1.2012 Qualifying date a hmangin kum 18 tlingte tana Special Summary Revision of Electoral Roll neih leh tur a nih thu tarlangin he mi atan hian inbuatsaih anih thu ERO chuan a sawi a ni. Booth Level Officer te hnenah hian an mawhphurhna te chipchiar takin zirtir an ni a. Form chi hrang hrang hman dante leh Polling Station chhunga mithi leh pem tawhte uluk taka enfel a, ERO/AERO hnenah report tura hrilh an ni bawk. EPIC felfai leh kimchang tak neih anih theih nana EPIC buaipuitute puibawm thin tur an nih thu te in hrilhhriat a ni bawk a ni.

Vawiin training hi Pu H. Remthanga, Election Officer; Abraham Beirazi Khitie, AERO; V. Lalruatliana, AERO leh Margaret Lalrinawmi Fanai, AERO  ten training hi an pe a ni.

He training ah hian District chhunga BLO te an tel tha hle a ni.