Vawiin khan Mizoram Sawrkar leh Central YMA LE&IT buatsaih Mamit District chhunga Cement mistiri training tan a ni a, lawmluhna inkhawm Chhimveng YMA Hall ah neih niin Pi H. Lalchhandami SDO (Sadar) Mamit chuan he hun hi khuallian niin a hmanpui.

He mi pual inkhawm hi Pu K.Lalthanzama, Vice President, Sub Hqrs YMA Mamit chuan kaihruaiin Pi H. Lalchhandami SDO ( Sadar) chuan Mizote chu kan changkang chho ve zela, kan insak danah pawh cement kan hmang chho ve nasa ta hle a ni tiin, Mizoram pawisa tam tak luangral tur ven nan leh Ram leh hnam humhalhna atana pawimawh tak ram leilung faten kan tihve theih cement mistiri hna chu eizawnna tlaka thiam tum ngei tura, taima taka bei turin training turte a chah a ni.

Central YMA atangin Pu J.Lalsailova, Treasurer Central YMA pawhin telpuiin Cement Mistiri Training neih a nih theihna tura Central YMA leh Mizoram sawrkar te inpawh tlang taka thawhhona avanga buatsaih theih a ni chu lawmawm takzet ani a ti, Mizoram chhunga Sub Hqrs hrang hrangah pawh buatsaih a niin, Mizo mipa 700 ten eizawnna tlinga Cement Mistiri hna an thawh theihna turin training tir an nih dawn thu a sawi. Central YMA thupui ram leh hnam humhalhna kawngah cement mistiri a mizo tlangval ten thiamna kan neih hi a tul takzet a ni tiin kan sum leh pai tamtak vai mistiri kan chhawr avangin a luangral thina cement mistiri hmang hian ram leh hnam humhalhna kawngah nasa takin hma kan la thei a ni a ti bawk.

Training-ah hian Sub Hqrs YMA huam chhung atangin 100 ten Cement Mistiri an training dawn a ni.