2882/2023-2024

Mamit 30th Dec, 2023:- Nimin tlai khan Pu V.L Remliana, District Election Officer hovin a Office Chamber-ah MLA General Election- 2023 Vote chhiar hun Ni 3rd Dec, 2023-a ECI duhdan anga venhimna kalpui dan turte sawiho a ni.

Pu V.L Remliana chuan MLA General Election - 2023 tluang taka neih zawh taka Vote tlate chhiar turin District Election Office chuan inbuatsaihna felfai taka a kalpui thu sawiin, Election Commission Of India ruahman lawk angin, Ni 3rd December, 2023 zing dar 8 atangin Vote chhiar tan a ni dawn a.Postal Ballot hmanga vote tlate chhiar hmasak tur niin zing 8:30 ah EVM hmanga vote tlate chhiar tan a nih dawn thu a sawi.

Vawiin Meeting-ah hian Counting Day-a EVM dahna strong room atanga Counting Hall panpui dan turah venhimna khauh tak hnuaia kalpui dan tur ruahmanna felfai taka siam niin, Counting Area chhunga venhimna kalpui dan turte sawiho zui niin ruahmanna siam a ni bawk.

Mamit District chhung MLA bial pathuma vote tlate hi Counting Hall pathumah chhiar a ni dawn a, Hachhek leh Dampa bial Vote tlate hi dawhkan pariatah chhiar tura ruahman niin Mamit biala vote tlate hi dawhkan pakuaah chhiar a ni ang.

Meeting-ah hian Mamit District chhunga RO, ARO, SP, Addl.SP, SDPO bakah Election Officials dangte an tel a ni.