2881/2023-2024

Aizawl, the 30^th November, 2023 : Vawiin khan Directorate of Women & Child Development, Social Welfare, Tribal Affairs, Women & Child Development Department huaihawtin 'Training of Trainers on Gender Budgeting for Government Officials' chu ATI Auditorum-ah neih a ni.

He ni khat awh Training hi Pi Donnie, Additional Secretary, Social Welfare, Tribal Affairs, Women & Child Development Department chuan kaihruaiin kal khawmte lawmna thu a sawi a. Sustainable Development Goals (SDG) 17 zinga 5-na chuan intluktlanna chungchang (Gender Equality) a ni a, SDG in a hmachhawpte zingah kum 2030 ah chuan hnufual bik awm lova intluktlanna neih theihna tura hmalak a nih thu leh hmeichhia leh mipate intluktlan theihlohna awmte hnawh khah a nih a, a inchenlo te inchen tir a lo nih theihna turin Gender Budgeting hi a tangkai hle a ni a ti bawk.

Gender Budgeting chungchang khuhhawnna thu sawitu Director, WCD Pi Zoramthangi Chhangte chuan Sawrkar Department tinten an ngaihthah theih loh tur leh ral bang bik awm thei lo tura an ?an tlan a ngaihna chu Gender Budgeting hi a ni a ti a. Gender Budgeting atana hma la tur Nodal Department chu Women & Child Development niin, Mizoram State puma atana Gender Budgeting atana Nodal Officer turin Women & Child Development Director pawh sawrkar pawmpuina-in ruat a ni tawh a, tunah hian Department tina Gender Budget Cell din a nih theihna turin chak takin hma lak mek a nih thu sawiin, ramin hma a sawn theihna tur chuan a hmei a pa, naupang atanga puitling thlengin tlabal bik lai awm lova an mamawhna zawn theuha tih chak an ngai a, chumi tichak tur chuan Gender Budgeting hi a pawimawh em em a ni a ti bawk.

He Training pawimawh tak hi Department tina Gender Budget Cell-te tana buatsaih niin he mi lama mithiam thlanchhuahten training hi an pe a ni.