917/2023-2024

Mamit 26th June, 2023 : Vawiin khan DC Conference Hall, Mamit-ah Pu V. L. Remliana, District Election Officer/District Bawrhsap chuan Mamit District chhunga Village Council pali (4), Darlung, Hnahva, Khawhnai leh Tuahzawl Draft Electoral Rolls chu a tlangzarh.

District Election Officer chuan a hun taka draft Roll tlangzarh a nih theih nana buaipuite chungah lawmthu a sawi a. Inthlanna felfai leh thianghlim neih anih theih nan theihtawpchhuah a tul thu a sawi bawk.

Draft Electoral Roll tlangzarh takah hian Mamit District chhunga by-election neihna tur Village Council pali (4) te vote neih dan tarlan niin Darlung VC -ah Vote nei mipa 374 leh hmeichhia 360, an vaiin 734 an awm mek a. Hnahva-ah Vote nei mipa 382 leh hmeichhia 314, an vaiin 696 niin Khawhnai-ah voters mipa 160 leh hmeichhia 151, an vaiin voters 311 an ni a. Tuahzawlah vote nei mipa 169 leh hmeichhia 178 awmin vote nei zawng zawng belhkhawm hi 347 a ni.

Draft Electoral tlangzarh takah hian Publication of draft electoral rolls hi 26.06.2023 a ni a. Submission of claims & Objections hi 27.06.2023 atanga 11.07.2023 thleng hun hawn a ni. Disposal of Claims & Objection hi Ni 11.07.2023 atanga Ni 17.07.2023 thleng niin Publication of Final Electoral rolls hi 18.07.2023 a ni ang.

Vawiin Draft Electoral Roll, 2021 tlangzarh tak hi Political Party aiawh te hnenah a copy hlan nghal an ni.

Draft Electoral Roll, tlangzarhna-ah hian EROs, AEROs, Elections Officials te bakah Political Party hrang hrang, Tlawmngai pawl aiawh leh thutharthehdarhtute an tel a ni.