Nimin khan D.C Conference Hall, Mamitah Mamit District chhunga Ziak leh chhiar thiam lo te thiam tir tura hmalakna tawhna leh beihpui thlak lehna tur ngaihtuahin Pi Lalbiaksangi District Bawrhsap hovin thutkhawm a ni.
Meetingah hian Mamit District chhunga ziak leh chhiar thiam lo mi 7822 an awm mek thu tarlan niin ziak leh chhiar thiam loh ten an thiam theihna tura hmalakna a tan hian District Bawrhsap hmalakna hnuaiah kum 18 leh 40 inkar te tan hmalak hmasak turin meetingah hian ruahmanna siam a ni a, ziak leh chhiar thiamlo te tana beihpui thlakna turah hian RD Block hnuaia khawtin atangin kum 18 leh 40 inkar atangin an dinhmun zirchiang chunga hmalak ni se tih a ni.
Mamit District chhungah hian ziak leh chhiar thiamlo beihpui thlakna kum 2015-2016 chhung khan khaw 10 (sawm) ah kalpui niin mi 237 te chu ziak leh chhiar thiam tir an nia, kum 2016-2017 hmalakna kalmekah khaw 6 (ruk) atangin mi 870 te hnenah zirtirna hi kalpui mek a ni bawk a.
Tunah hian District Level Working Committee hmalakna in puitling ziak leh chhiar thiam thar te tan in zir chhunzawmna hmun( Model continuing Education Centres) Vawngawnzo leh Bawngva khuah te din a ni bawk
Meeting-ah hian Addl D.C, DEO, DPC. SSA, Principal DIET, Principal Govt, Mamit College, Secretary Mamit Officer Club, DIPRO bakah Tlawmngai Pawl hrang atangin President /MUP, MZP, Chairman Joint Village Council te an tel a ni.
