Nimin khan Pi Lalbiaksangi, District Bawrhsap hovin DC Conference Hall-ah Mamit District chhungah Bank hrang hrangte dinhmun hmalakna  leh hlawhtlinna thlirho a ni. 

Meeting-ah hian District chhungah Bank te credit Deposit (CD) Ratio enlet niin 44.66 % a ni a, RBI norms 60 %   phaklohna fourth (4th) quarter-ah chuan phak ngei tura tan la turin Committee hian Branch Manager te a ngen a. Annual Credit Plan (ACP) hnuaia Bank target achievement review niin Priority sector ah 26.2 % a ni a, non-priority sector ah 48.13 % a ni thung a ni. District chhungah transport operator te hnenah loan sanction zat chu 260.36 lacs a nih thu tarlan a ni. 

PMEGP (Prime Minister employment Generation Programme) hnuaia Application te chu a tam thei ang ber sanction an nih tur thu Branch Manager te hian Committee ah hian an thlen a, Heng bakah hian mipuite loan rulh that chungchang leh loan la leh turte tan nghawng a neih dan in zirtir tam turin Bank official te ngen bawk an ni. 

Mamit District huap Camps on Financial Literacy neih zat  meetingah hian tarlan ni bawk in, MRB, Rawpuichhip leh Kanhmun-in vawi hnih  leh MCAB, Mamit bultumin vawi 6 neih a ni tawh a. Tunah hian Mizoram Cooperation Apex Bank (MCAB) Mamit chu financial councellor in a thutchilhna  hmun a nih thu meetingah hian tarlan a ni bawk. 

Kissan Credit Card (KCC) Bank tin te pek chhuah dan tarlan niin tunah hian 976 cards pek chhuah tawh a ni a, Heng bakah hian PMSBY ( Prime Minister Suraksha Bhima Yojana) PMJJBY ( PM Jeevan Jyoti Bhima Yojana) PMJDY ( PM Jan Dhan Yojana) APY ( Atal Pension Yojana) leh PMMY ( Prime Minisetr Mudra Yojana) hnuaia  mipuite Account neih dan committee ah hian  thlir ho  a ni. 

Meeting-ah hian Lead Bank Office, Kolasib atangin Lead District Manager (LDM) , RBI Aizawl Regional Manager, NABARD Manager, Mamit Khawpui chhunga Bank hrang hrang SBI, MRB, leh APEX Bank Manager te bakah Line Department hrang hrang tanga Officials te an tel a ni.