1903/2022-2023
Mamit 13th September, 2022 : Vawiin khan Mamit District Disaster Management Authority chu Pu Lalnunhlua, Chairman, DDMA/District Bawrhsap hovin a Office Chamber-ah thutkhawm a ni.

Vawiin meeting-ah hian DDMA hmalakna leh hnathawh hrang hrangte sawiho leh ennawn a ni a. Mamit District-a Myanmar Refugee awm te dinhmun, NH-44 A leiminin kawng a hnawh thin avanga harsatna lo thleng thin sutkian dan tur te, Mamit District-a Covid-19 Vaccination dinhmun leh kalpui mek dan te, District Emergency Operation Centre mumal zawk leh changtlung zawk a kalpui dan turte leh Mamit District-a chhiatna hrang hrang lo thleng thei tur laka inven dan tur te bakah hmasawnna tur hrang hrang te sawiho a ni.

Pu Lalrinchhana, District Organiser chuan DDMA hmalakna leh hnathawh hrang hrang report pein, Pu R. Lalrempuia, Consultant chuan Mamit District-a Myanmar Refugee-te dinhmun chungchangah report a pe bawk.

Meeting-ah hian Superintendent of Police, Additional DC, CMO, EE PWD, EE PHED bakah Officer pawimawh dangte an tel a ni.