Vawiin khan Mamit District Draft Electoral Roll, 2020 Dr Lalrozama, IAS, District Election Officer/ District Bawrhsap, Mamit chuan a tlangzarh.

Vawiina tlangzarh tak Draft Electoral Roll-ah hian Mamit District chhungah vote nei mi 66595 bakah Service Voters 301 awmin, Voters 66896 an awm mek a. Mipa 33805 leh Hmeichhia 32790 an ni. 1-Hachhek (ST) ah hian Polling Station 38 awmin Mipa 12213 leh Hmeichhia 11987 an vaiin mi 24200 an awm a. Vote nei punna hi 0.42% a ni. 2-Dampa(ST) ah hian Polling Station 36 awmah Vote nei Mipa 9472 leh Hmeichhia 8935 awmin an vaiin 18407 a ni. A punna hi 0.01% a ni. 3- Mamit (ST) ah hian Polling Station 42 awmin, Vote nei Mipa 12120 leh Hmeichhia 11868 an vaiin 23988 an ni a. Vote nei punna hi 0.05% a ni. Mamit District chhunga Vote nei punna hi 0.21% a ni.

1-Hachhek (ST) ah hian Vote nei tamna ber Zamuang Polling Station niin Voters 1166 an awm a. Sotapa Polling Station chu vote nei tlemna ber niin Voters 122 an awm a ni. 2-Dampa (ST) ah hian W. Phaileng Dinthar Veng I chu Voters tamna ber niin Vote nei mi 943 an awm a. Zopui Polling Station chu a tlemna ber niin Vote nei mi 52 an awm a ni. 3-Mamit (ST) ah Voters tamna ber Damparengpui II niin, Voters 1137 an awm a. Dilzawl Polling Station-ah Voters 156 awmin a tlemna ber a ni thung a ni.

Dr Lalrozama, District Bawrhsap chuan Draft Electoral Roll 2020 tlangzarh tak hi Mizo National Front (MNF) leh Indian National Congress (INC) aiawhte hnenah a hlan a ni.

Mamit District Election Office in ruahmanna a neih sa angin Period of filling claims & objections atan 16.12.2019 - 15.01.2020 chhung a ni anga, Diaposal of Claims and Objections hi 27.01.2020 thleng niin, Preparation of Supplements hi 04.02.2020 a ni ang. Final Publication of electoral roll hun atan 07.02.2020 a ni bawk ang.

Vawiin Draft Electoral Roll, 2020 tlangzarh takah hian Election Officials te bakah Political Party aiawhte leh tlawmngaipawl aiawhte an tel a ni.