1350/2023-2025 

Mamit 2nd August, 2023 :   Vawiin khan DC Conference Hall, Mamit-ah 2nd Special Summary Revision of Photo Electoral Rolls, 2023, Draft Publication chu Pu V.L.Remliana, District Election Officer, Mamit chuan a tlangzarh.

District Election Officer chuan Draft Electoral Roll tlangzarh a ni chu lawmawm a tih thu a sawi a. Inthlanna felfai leh thianghlim a awm theih nan thawktute chu fimkhur taka thawk turin a chah.

Mamit District Draft Electoral Rolls, 2023 tlangzarh takah hian Mamit District chhungah vote nei mipa 32155, hmeichhia 31533 an vaiin mi 63688 an awm mek a ni.

Mamit District chhungah polling station 121 awmin  1-Hachhek A/C huamchhungah 1/23 Kawrthah - III Polling Station-ah Voters 890 awmin an tam ber a, 1/31 Sotapa Polling Station-ah voter 131 awmin a tlemna ber a ni. 2-Dampa A/C -ah 2/16 Silsury - I Polling Station-ah vote nei tam berin Voters 994 an awm a, 2/11 Zopui Polling Station-ah Voters 47 awmin an tlem ber a ni.  3-Mamit A/C-ah 3/22 Damparengpui -I Polling Station-ah Voters 1043 awmin an tam ber a, 3/3 Tlangkhang Polling Station-ah Voters 35 awmin a tlem ber an ni thung a ni.

Tripura Transit Camp-a Mizoram chhunga Vote nei la awm mek Voters 4941 te deleted an ni a. Voters 9 transfer niin a vaiin 4950 paih an ni.

Draft Electoral Roll, 2023 tlangzarh tak scheduled chu hetiang hi a ni.

1. Publication of integrated draft electoral roll -  02.08.2023 (Wednesday)
2. Period for filing claims & objections - 02.08.2023 (Wednesday) to 31.08.2023 (Thursday)
3. Special campaign dates - 05.08.2023, 12.08.2023, 19.08.2023, 26.08.2023 (Special Camp and Campaign Day for mapping PwD voters and fresh registration)
4. Disposal of claims and objections - By 22.09.2023 (Friday)
5. Final publication of Electoral roll - 04.10.2023 (Wednesday)

Draft Electoral Rolls, 2023 tlangzarh tak hi Political party hrang hrangte hnenah District Election Officer hian a copy a hlan nghal bawk.

2nd Special Summary Revision of Photo Electoral Rolls, 2023 tlangzarhna hunah hian Election Officials, Mamit District chhunga EROs/AEROs, Sub Hqrs. YMA, MUP, MHIP aiawhte leh thutharthehdarhtute an tel a ni.