3253/2023-2024

Mamit 6th January, 2024 : Vawiin khan DC Conference Hall, Mamit-ah Draft Electoral Rolls Special Summary Revision, 2024 chu Pu V.L. Remliana, District Election Officer chuan a tlangzarh.

Pu V.L Remliana chuan Election Commission of India-in a duanlawk anga, Mamit District Draft Electoral Rolls - 2024 a hun taka tlangzarh a ni chu lawmawm a tih thu a sawi a, Rolls felfai neih chu thilpawimawh leh kan ngaihpawimawh hmasak ber tur a nih thu a sawi.

Draft Electoral Rolls Special Summary Revision, 2024 tlangzarh takah hian District chhung Assembly Constituency pathum 1- Hachhek (ST) mipa 10554, hmeichhia 10543 an vaiin 21097 an awm a. 2- Dampa (ST) ah mipa 10227, hmeichhia 9740 an vaiin voters 19967 an awm. 3-Mamit (ST) ah vote nei mipa 11975, hmeichhia 11830 an vaiin voters 23805 an awm bawk. District chhunga vote nei hi mipa 32756 leh hmeichhia 32113 an vaiin voters 64869 an awm a ni.

1- Hachhek (ST) ah hian Kawrthah - III Polling Station ah vote nei tam berin voters 886 an awm a, Sotapa Polling station- ah tlem berin voters 136 an awm a ni. 2- Dampa (ST) ah hian Silsury - I ah voters 1054 awmin a tam ber a, Zopui Polling Station-ah Voters 39 awmin a tlem ber thung. 3- Mamit (ST) ah Damparengpui - I ah Voters 1020 awmin vote a tam ber a, Tlangkhang Polling Station-ah Voters 34 awmin vote tlemna ber a ni thung a ni.

Vawiin-a Draft Rolls tlangzarh takah hian Mamit District chhungah kum 20-29 inkar vote nei tam berin 17624 (27.17 %) a ni a, kum 80+ chunglam vote nei hi mi 987 niin ( 1.52%) a ni. Service voters 332 a awm bawk. 1- Hachhek (ST) ah Polling station 38 a awm a, 2- Dampa ( ST) ah Polling Station 40 awmin, 3- Mamit (ST) ah Polling Station 43 awm bawkin a vaiin Mamit District chhungah Polling Station 121 a awm a ni.

Draft Rolls tlangzarh takah hian Period for filling claims & objections hi 06- 22 January, 2024 chhung niin, disposal of claims and objections hi 02.02.2024 a ni a, Final Publication of Electoral Roll hi 08.02.2025 a ni ang.

Draft Electoral Rolls Special Summary Revision, 2024 tlangzarh tak hi Political Pary hrang hrang BJP, INC, MNF leh ZPM te hnenah a copy hlan nghal an ni a. Tlangzarhna hunah hian Political Party aiawh, Election Officials, tlawmngaipawl aiawhte leh thutharthehdarhtute an tel a ni.