1680/2023-2024

Mamit the 28th August, 2023: Assembly Constituency pathum awmna Mamit District chhunga Special Summary Revision of Electoral Roll, 2023 kalpui mek endik tura Election Commission of India (ECI) in a ruat Electoral Roll Observer Dr. Lalzirmawia IAS, hovin vawiin khan Mamit DC Conference Hall-ah meeting neih a ni.

He hun hi Mamit DC & DEO Pu VL Remliana'n kaihruaiin ERO, AERO leh official dangte bakah Political party hrang hrang aiawh, leh tlawmngai pawl aiawhte an tel a. Election Officer, Mamit Pu Lalsanglura hnen atangin roll revision kalpui mek chungchang leh election kaihnawih thildangte powerpoint presentation a pe a.

Electoral Roll Observer Dr. Lalzirmawia Chhangte, IAS chuan Special Summary Revision of Electoral Roll 2023 chu mipuiten hrechiangin hmang tangkai se a tih thu a sawi a, Election kaihhnawih hmalakna hrang hrang a bik takin electoral roll dik leh felfai kan neih theihna tura hmalakna ah te official-te, NGO-te, kohhran te leh khawtlang hruaitute thahnemngaihna a fakawm takzet a ni tiin kan tanrualna zarah Mizoramin electoral roll felfai tak kan nei thei a ni, a ti a. Kan aiawhte mipuiin thlang chhuaka Election nei thin ram kan ni a, Election hi democracy hriselna thui tak hriltu a nih avangin democracy hrisel tha tak nei tur chuan Election thianghlim (free and fair) pawimawh a, chumi nei tur chuan a bulthuma voter list siam hi a ni a, a ti a. Democratic Election a India khua leh tui neiin a voting right an hman theih hi ECI chuan a ngai pawimawh a ni a ti a. Democracy hrisel tak kan neih zel theihnan khua leh tui vote nei thei chin te chu electoral roll a kan inziahluh veka, a hun a thlena vote kan thlak theuh a pawimawh a ni tiin, Electoral Roll-ah kan hming a chuang ngei em tih lo finfiah ve theuh turin Mamit District mipuite chahin Voter Helpline Application pawh lo hmang tangkai theuh turin a sawm a. Booth Level Agent (BLA) te pawn an bial chhung a tha hnem ngai taka list siam a, hma la zel turin a ngen bawk a ni.

He hunah hian NGOs leh Political Party aiawh te telin, zawhna leh chhanna bakah sawihona hun hman a ni.