Vawiin khan DC Conference Hall Mamit-ah Pu H.Lianzela, Addl.DC kaihhruainain Mamit District Green Mizoram Committee chu Kum 2017-a Green Mizoram Day Mamit-a hman dan tur relin an thukhawm. 

Meeting hian kumin Green Mizoram Day, June Ni 11 chu Pathianni a nih avangin June Ni 9-ah hman nise tiin a rel a. A hawnna Programme duan nghal niin Pi Lalbiaksangi District Bawrhsap chuan khuallian niin zing dar 9:30-ah Mangkhawngdai Field-ah a hawng ang. Mamit District chhung khaw hrang hranga kangmei veng tha khuate hnenah lawmman semna neih a ni bawk ang. 

Kumin Green Mizoram Day-ah hian Bairabi Road-ah Sorkar Department leh tlawmngaipawlte?n thing phun belh leh kum hmasa lama lo phun tawhte thawmthat leh samfai bakah thing phun nung lo ah te thing phun that leh nise tih a ni a. Meeting-ah hian thing phun tam aiin phun nuna enkawl zui a pawimawh thu tarlan a ni bawk. 

Kumin Green Mizoram Day hmalakna atan hian Mahatma Gandhi lim hung that leh cheimawi tum a ni a. Tin, mimal chhungte boral tawh emaw thil dang hriatrengna atana Sponsor duh tan Tree Planting, cheng 2000 (Sanghnih) chawiin tih theih a ni bawk anga, mimal thing tiak phun duh tan mi pakhat atan thing tiak pakhat zel DFO Office, Mamit-ah lak theih a ni ang. 

Vawiin thutkhawmah hian Mamit District Green Mizoram Committee members te an tel tha hle a ni.